سعودی عرب: بیرون ملک مقیم افراد کیلئے اقامہ تجدید کی آن لائن سہولت

سعودی محکمہ پاسپورٹ (الجوازات) نے اعلان کیا ہے کہ بیرون ملک مقیم افراد کے اہل خانہ اور گھریلو ملازمین کے لیے اقامہ (ہویة مقیم) کی تجدید کی سہولت ابشر پلیٹ فارم پر آن لائن دستیاب ہے۔

محکمہ پاسپورٹ نے اپنے سرکاری ایکس اکاؤنٹ پر وضاحت کی ہے کہ اس سروس کے ذریعے مستفیدین اقامہ کی تجدید آن لائن کر سکتے ہیں اور اس کے لیے سعودی عرب میں موجود ہونا ضروری نہیں۔

گھریلو ملازمین کے لیے اقامہ تجدید کے مراحل:

• ابشر پلیٹ فارم پر لاگ ان کریں۔

• ملازمین کی خدمات میں جائیں۔

• مقیمین کی خدمات منتخب کریں۔

• مطلوبہ فرد کا انتخاب کریں۔

• اقامہ تجدید کا آپشن منتخب کریں۔

ایکس پر اصل پوسٹ دیکھیں

اہل خانہ کے ہمراہ افراد کے لیے اقامہ تجدید کے مراحل:

• ابشر پلیٹ فارم پر لاگ ان کریں۔

• خاندانی افراد کی خدمات میں جائیں۔

• مقیمین کی خدمات منتخب کریں۔

• مطلوبہ فرد کا انتخاب کریں۔

• اقامہ تجدید کا آپشن منتخب کریں۔

محکمہ پاسپورٹ نے مزید کہا کہ یہ آن لائن سروس اقامہ کی تجدید کے عمل کو آسان بناتی ہے، چاہے مستفیدین سعودی عرب سے باہر ہی کیوں نہ ہوں۔