روس نے رات بھر میں 356 یوکرینی ڈرون مار گرائے

روسی وزارت دفاع کا کہنا ہے کہ فضائی دفاعی نظام نے گزشتہ رات مختلف روسی علاقوں میں 356 یوکرینی ڈرون مار گرائے۔

خبر رساں ایجنسی 'سپوتنک' کے مطابق، ڈیوٹی پر موجود فضائی دفاعی نظام نے 356 یوکرینی ڈرونز کو روک کر تباہ کیا۔ یہ ڈرونز روس کے کئی علاقوں اور بحیرہ آزوف کے اوپر مار گرائے گئے۔

دوسری جانب یوکرینی فضائیہ نے آج ٹیلیگرام پر جاری بیان میں کہا کہ روس کی جانب سے شمالی، جنوبی، وسطی اور مشرقی یوکرین پر کیے گئے فضائی حملے کے دوران، فضائی دفاعی فورسز نے 131 میں سے 107 روسی ڈرون مار گرائے۔

بیان میں مزید کہا گیا کہ یہ حملہ یوکرینی فضائیہ اور فضائی دفاعی یونٹس، الیکٹرانک وارفیئر یونٹس، ڈرونز اور موبائل فائر ٹیموں نے ناکام بنایا۔

ادھر یوکرینی فوج نے آج بتایا کہ فروری 2022 میں جنگ کے آغاز سے اب تک روسی فوجیوں کے ہلاک و زخمی ہونے والوں کی تعداد تقریباً 14 لاکھ 42 ہزار 140 ہو گئی ہے، جن میں سے 1560 گزشتہ 24 گھنٹوں کے دوران ہلاک یا زخمی ہوئے۔ یہ اعداد و شمار یوکرینی مسلح افواج کے جنرل اسٹاف کے جاری کردہ بیان میں دیے گئے ہیں۔

بیان کے مطابق، جنگ کے آغاز سے اب تک یوکرینی فورسز نے 12 ہزار 226 ٹینک، 25 ہزار 38 بکتر بند گاڑیاں، 46 ہزار 902 توپیں، 1970 ملٹی لانچر راکٹ سسٹمز اور 1519 فضائی دفاعی نظام تباہ کیے ہیں۔

بیان میں مزید کہا گیا کہ 439 جنگی طیارے، 354 ہیلی کاپٹر، 431310 ڈرونز، 4950 کروز میزائل، 34 جنگی بحری جہاز، 2 آبدوزیں، 1 لاکھ 26 ہزار 850 گاڑیاں اور ایندھن کے ٹینک، اور 4476 خصوصی ساز و سامان کی یونٹس بھی تباہ کی گئیں۔

تغریر X پر دیکھیں