ایمرجنسی اور انسانی کیسز کی اطلاع کے لیے رابطہ نمبرز جاری

سعودی وزارت داخلہ کے تحت محکمہ احوالِ مدنیہ نے ایمرجنسی، سکیورٹی اور انسانی نوعیت کے واقعات کی اطلاع دینے کے لیے مخصوص رابطہ نمبرز جاری کیے ہیں۔ حکام نے واضح کیا ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔

محکمہ نے اپنے سرکاری ایکس اکاؤنٹ پر بتایا کہ مکہ مکرمہ، مدینہ منورہ، ریاض اور مشرقی ریجن میں ایمرجنسی اطلاعات کے لیے 911 پر رابطہ کیا جا سکتا ہے، جبکہ مملکت کے دیگر علاقوں میں 999 پر کال کی جا سکتی ہے۔

اعرض التغريدة على منصة X

مزید بتایا گیا کہ سکیورٹی، انسانی اور ایمرجنسی کیسز کی اطلاع «کلنا أمن» ایپ کے ذریعے بھی دی جا سکتی ہے۔ حکام نے ایک بار پھر یقین دہانی کرائی کہ تمام اطلاعات مکمل طور پر خفیہ رکھی جائیں گی، جس سے شہری اور مقیم افراد بلاخوف اطلاع دے سکتے ہیں اور ان پر کسی قسم کی ذمہ داری عائد نہیں ہوگی۔