سعودی پاسپورٹ کی تیز ترسیل سروس متعارف

سعودی عرب میں محکمہ پاسپورٹ نے شہریوں کے لیے سعودی پاسپورٹ کی تیز ترسیل سروس فراہم کرنے کا اعلان کیا ہے، جس کے تحت شہری اپنے پاسپورٹ ڈاک کے ذریعے وصول کر سکتے ہیں۔

محکمہ نے اپنے سرکاری ایکس اکاؤنٹ پر بتایا کہ اس سروس کے ذریعے شہری پاسپورٹ کی تیز ترسیل کا آپشن منتخب کر سکتے ہیں، جس سے پاسپورٹ وصولی کے عمل میں آسانی اور وقت و محنت کی بچت ہوگی۔

ایکس پر اصل پوسٹ دیکھیں

یہ سہولت محکمہ پاسپورٹ کی جانب سے فراہم کی جانے والی الیکٹرانک خدمات کا حصہ ہے، جس کا مقصد پاسپورٹ سے متعلق امور کو آسان بنانا اور ڈاک کے ذریعے ترسیل کی سہولیات سے فائدہ پہنچانا ہے۔