ابشر پر گھریلو ملازمین کے ترجمہ شدہ نام میں ترمیم کا طریقہ

سعودی محکمہ پاسپورٹ نے ابشر پلیٹ فارم کے ذریعے گھریلو ملازمین کے ترجمہ شدہ نام میں ترمیم کی سہولت فراہم کر دی ہے۔

گھریلو ملازمین کے ترجمہ شدہ نام میں ترمیم

محکمہ پاسپورٹ نے ایکس پلیٹ فارم پر وضاحت کی ہے کہ اس سروس کے ذریعے آجر اپنے کسی بھی گھریلو ملازم کے ترجمہ شدہ نام میں ابشر پلیٹ فارم پر ترمیم کر سکتا ہے۔ اس سہولت سے استفادہ کے لیے درج ذیل اقدامات کیے جا سکتے ہیں:

• ابشر پلیٹ فارم پر لاگ ان کریں

• گھریلو ملازم کا انتخاب کریں

• خدمات مقیمین منتخب کریں

• مستفید کا انتخاب کریں

• ترجمہ شدہ نام میں ترمیم کا انتخاب کریں

محکمہ پاسپورٹ کے مطابق عرب ممالک سے تعلق رکھنے والے مقیمین کے لیے ترجمہ شدہ نام انگریزی زبان میں جبکہ غیر عرب ممالک کے مقیمین کے لیے ترجمہ شدہ نام عربی زبان میں ہوگا۔

ہویۃ مقیم کی تجدید

وزارت داخلہ کے زیر انتظام ابشر پلیٹ فارم نے گھریلو ملازمین اور ان کے مساوی افراد کے لیے ہویۃ مقیم کی تجدید کی سہولت بھی فراہم کر دی ہے، جس کی مدت کم از کم 3 ماہ اور اس کے مضاعفات میں رکھی گئی ہے۔ یہ سہولت ابشر ایپ کے ذریعے دستیاب ہے۔

پلیٹ فارم کے مطابق اس سروس کے ذریعے آجر آسانی سے گھریلو ملازمین کی ہویۃ مقیم تجدید کر سکتا ہے اور اپنی ضرورت کے مطابق مدت کا انتخاب کر سکتا ہے، چاہے وہ 3 ماہ ہو یا اس سے زیادہ، جس سے طریقہ کار میں لچک اور مختلف ضروریات پوری کرنے میں مدد ملے گی۔

ابشر ایپ کے ذریعے اس سروس سے استفادہ کے مراحل:

• ابشر ایپ پر لاگ ان کریں۔

• "عمالتی" آئیکون منتخب کریں۔

• "ہویۃ مقیم کی تجدید" کے آپشن میں جا کر ہدایات پر عمل کریں۔