اسکولوں کے اطراف گاڑیوں کے شور پر ٹریفک پولیس کی وارننگ

سعودی ٹریفک پولیس نے مملکت میں نئے تعلیمی سال 1448-1449ھ کے آغاز کے ساتھ ہی اسکولوں کے اطراف شور شرابے سے خبردار کیا ہے، کیونکہ اس سے طلبہ کی توجہ متاثر اور تعلیمی ماحول پر منفی اثر پڑتا ہے۔

ٹریفک پولیس نے اپنی ایکس (سابقہ ٹوئٹر) پوسٹ میں واضح کیا کہ گاڑی کو تیز رفتاری سے چلانا جس سے ٹائروں سے بلند آوازیں نکلیں، ایک ٹریفک خلاف ورزی ہے۔ ڈرائیوروں کو خاص طور پر اسکولوں کے قریب پرسکون اور محفوظ ڈرائیونگ کی ہدایت کی گئی ہے۔

اعرض التغريدة على منصة X

پولیس کے مطابق ٹائروں سے بلند آواز پیدا کرنے کی خلاف ورزی پر 150 سے 300 سعودی ریال تک جرمانہ عائد کیا جائے گا۔

ٹریفک پولیس نے طلبہ اور اسکول کمیونٹی کا خیال رکھنے اور تعلیمی سال کے آغاز پر ٹریفک قوانین کی پابندی پر زور دیا ہے، تاکہ اسکولوں کے اطراف محفوظ اور پُرسکون ماحول فراہم کیا جا سکے۔