ٹرمپ کا ایران پر حملہ منسوخ، ہرمز معاہدے کی تفصیلات جاری

امریکی صدر ڈونلڈ ٹرمپ نے اعلان کیا ہے کہ امریکہ نے ایران کے خلاف کارروائی کے لیے جنگی تیاری کی اعلیٰ ترین سطح حاصل کر لی تھی، جو دوسری عالمی جنگ کے بعد اب تک کی سب سے بڑی فوجی طاقت اور صلاحیت ہے۔

ٹرمپ نے واضح کیا کہ انہیں حال ہی میں ایران اور مشرق وسطیٰ کے کئی ممالک کی جانب سے باضابطہ درخواست موصول ہوئی تھی کہ کسی بھی حملے کو مؤخر کیا جائے، جس کے بعد دونوں فریقین کے درمیان ابتدائی معاہدے کے خدوخال طے پائے۔

امریکی صدر نے بتایا کہ متوقع معاہدے میں آبنائے ہرمز کو فوری اور مکمل طور پر کھولنا اور ایرانی جوہری خطرے کا خاتمہ شامل ہوگا۔

ٹرمپ نے مزید کہا کہ انہوں نے فوجی حملہ منسوخ کرنے کی منظوری دے دی ہے، اور یہ فیصلہ عالمی مفاد اور ایران کی ترقی و خوشحالی کے تسلسل کے پیش نظر کیا گیا ہے، بشرطیکہ معاہدہ جلد طے پا جائے۔

اسرائیل کی حمایت

اسی حوالے سے ٹرمپ نے بتایا کہ اسرائیل بھی اس معاہدے کی حمایت میں شامل ہے اور تمام فریقین سے جلد از جلد معاہدہ مکمل کرنے کی اپیل کی ہے۔