ماسکو کے کیفے میں دھماکہ، 3 افراد جاں بحق، 15 زخمی

روسی وزارت داخلہ نے بتایا ہے کہ ماسکو کے ایک کیفے میں ہفتے کے روز ہونے والے دھماکے میں کم از کم 3 افراد جاں بحق اور 15 دیگر زخمی ہو گئے ہیں، تاہم واقعے کی وجہ تاحال معلوم نہیں ہو سکی۔

سرکاری خبر رساں ایجنسی 'ریا نووستی' کے مطابق ماسکو پولیس کا کہنا ہے کہ آج ایک سمر کیفے کے قریب دھماکہ ہوا، جس کے نتیجے میں 3 افراد ہلاک اور 15 زخمی ہوئے، جن کی حالت مختلف بتائی جاتی ہے۔

ایجنسی کے مطابق روسی وزارت داخلہ کے جنرل ڈائریکٹوریٹ کے افسران واقعے کی جگہ، کوڈرینسکایا اسکوائر کے عمارت نمبر 1 کے قریب، موجود ہیں۔

روسی تحقیقاتی کمیٹی کے مطابق جائے وقوعہ کے اطراف پولیس اور ایمبولینس کی گاڑیاں بڑی تعداد میں موجود ہیں، جب کہ متاثرین کی حتمی تعداد معلوم کرنے اور واقعے کی وجوہات جاننے کے لیے تحقیقات جاری ہیں۔