اقامہ کی تجدید میں تاخیر پر جرمانہ کب عائد ہوتا ہے؟
سعودی محکمہ پاسپورٹ نے واضح کیا ہے کہ اقامہ کی تجدید میں تاخیر پر تین دن بعد جرمانہ عائد ہوتا ہے، پہلی بار 500 سعودی ریال اور دوبارہ خلاف ورزی پر 1,000 ریال جرمانہ ہوگا۔
اہم نکات
AIسعودی عرب میں محکمہ پاسپورٹ کے سرکاری اکاؤنٹ پر ایک شہری نے استفسار کیا: "اقامہ کی تجدید کے لیے کتنی مہلت ہے، کیا یہ ایک ہفتہ ہے یا ایک مہینہ؟"
محکمہ پاسپورٹ نے اپنی ایکس (سابقہ ٹوئٹر) پر وضاحت کی کہ اقامہ کی مدت ختم ہونے کے تین دن بعد تاخیر پر جرمانہ عائد کیا جاتا ہے۔
محکمہ نے بتایا کہ پہلی بار تاخیر پر 500 سعودی ریال اور دوبارہ خلاف ورزی پر 1,000 ریال جرمانہ وصول کیا جائے گا۔
اعرض التغريدة على منصة X
مملکت سے باہر مقیمین کے لیے اقامہ کی تجدید
محکمہ پاسپورٹ نے یہ بھی اعلان کیا ہے کہ سعودی عرب سے باہر مقیم افراد اپنا اقامہ آن لائن ابشر پلیٹ فارم کے ذریعے تجدید کر سکتے ہیں۔
یہ سہولت مقیمین کے اہل خانہ اور گھریلو ملازمین کے لیے بھی آن لائن دستیاب ہے۔
گھریلو ملازمین کے اقامہ کی تجدید کے لیے ابشر پر لاگ ان کریں، پھر خدماتِ ملازمین، اس کے بعد خدماتِ مقیمین، مستفید کنندہ منتخب کریں اور آخر میں اقامہ تجدید کریں۔
جبکہ اہل خانہ کے ہمراہ افراد کے اقامہ کی تجدید کے لیے ابشر میں لاگ ان کریں، پھر فیملی سروسز، اس کے بعد خدماتِ مقیمین، مستفید کنندہ منتخب کریں اور اقامہ تجدید کریں۔