کویتی فوج نے ایرانی ڈرونز تباہ کر دیے

کویتی فوج نے اعلان کیا ہے کہ آج صبح سے ملک کی فضائی حدود میں دشمن ڈرونز کی نشاندہی ہوئی، جن سے نمٹتے ہوئے انہیں تباہ کر دیا گیا۔

کویتی فوج کے مطابق ایرانی حملے میں اہم تنصیبات اور عسکری مراکز کو نشانہ بنایا گیا، تاہم کویتی فورسز نے دشمن اہداف کو تباہ کر دیا اور کوئی جانی نقصان نہیں ہوا۔

گزشتہ روز جمعرات کو بھی کویتی فوج نے اعلان کیا تھا کہ ایرانی حملے میں شمالی علاقے میں واقع ایک چینی کمپنی کی عمارت کو نشانہ بنایا گیا، جس کے نتیجے میں ایک کارکن جاں بحق ہوا۔ فوج کے مطابق اس حملے سے چینی کمپنی کی عمارت کو شدید نقصان پہنچا۔