ٹرمپ ایران پر بڑی کارروائی کے قریب، اسرائیلی عہدیدار

اسرائیلی عہدیدار نے بتایا ہے کہ امریکی صدر ڈونلڈ ٹرمپ ایران پر بڑی کارروائی کے پہلے سے کہیں زیادہ قریب ہیں، تاہم اس بارے میں ابھی حتمی فیصلہ نہیں ہوا۔ انہوں نے مزید کہا کہ امریکہ نے اسرائیلی حکام کو مطلع کیا ہے کہ وہ اسرائیل کو درجنوں اضافی ایندھن بردار طیارے بھیجے گا۔

عبرانی چینل '12' کے مطابق، اسرائیل اس امکان کے لیے تیار ہو رہا ہے کہ ایران اس پر حملہ کر سکتا ہے یا امریکی صدر ڈونلڈ ٹرمپ اسرائیل کو حملے میں شرکت کی اجازت دے سکتے ہیں۔ رپورٹ کے مطابق خطے کی صورتحال کسی بھی وقت بھڑک سکتی ہے۔

ادھر عبرانی اخبار 'یدیعوت احرونوت' نے بتایا ہے کہ اسرائیلی سکیورٹی اداروں نے اپنے دفاعی نظام میں ہائی الرٹ کر دیا ہے، کیونکہ خطے میں کشیدگی بڑھ رہی ہے اور ایران پر وسیع حملے کی توقعات ہیں۔