امریکی فوج نے تین ماہ میں ہزار بحری جہازوں کو آبنائے ہرمز عبور کرایا

امریکی فوج نے بدھ کو اعلان کیا ہے کہ گزشتہ تین ماہ کے دوران تقریباً 1000 بحری جہاز امریکی افواج کی مدد سے آبنائے ہرمز سے گزرے ہیں۔ فوج نے بتایا کہ آبنائے ہرمز کا جنوبی راستہ اب بھی ان تجارتی جہازوں کے لیے کھلا ہے جو اس بین الاقوامی آبی گزرگاہ سے عبور کرنا چاہتے ہیں۔

فوج کے مطابق امریکی افواج ایران پر عائد پابندیوں کو سختی سے نافذ کر رہی ہیں۔ بیان میں کہا گیا کہ 3 اگست تک امریکی سینٹرل کمانڈ (سینٹکام) نے 44 تجارتی جہازوں کا راستہ تبدیل کیا، دو جہازوں کو ناکارہ بنایا اور دو دیگر جہازوں پر سوار ہو کر کارروائیاں کیں۔

واضح رہے کہ آبنائے ہرمز کا جنوبی راستہ عمانی ساحل کے ساتھ ساتھ گزرتا ہے۔ یہ اقدامات امریکی آپریشنز کا حصہ ہیں جن کا مقصد تجارتی جہازرانی کا تحفظ اور آبنائے ہرمز سے بحری آمدورفت کی روانی کو یقینی بنانا ہے، جو دنیا میں تیل اور عالمی تجارت کی سب سے اہم آبی گزرگاہوں میں شمار ہوتی ہے۔