ماہر صحت: شوگر فٹ کے تین اہم اسباب

ماہر طب اور طبی تحقیق کے استاد ڈاکٹر فہد الخضیری نے واضح کیا ہے کہ شوگر فٹ کی بیماری کے تین اہم اسباب ہیں۔

انہوں نے اپنے ایکس اکاؤنٹ پر بتایا کہ شوگر فٹ کی شکایت بنیادی طور پر تین وجوہات سے پیدا ہوتی ہے: اعصابی کمزوری، خون کی گردش میں کمی اور بیرونی چوٹ یا صدمہ لگنا۔

ڈاکٹر الخضیری کے مطابق شوگر فٹ ذیابیطس کے مریضوں میں ایک پیچیدگی ہے، جو عموماً بڑی عمر میں اور شوگر لاحق ہونے کے بیس سال بعد زیادہ تر مریضوں کو لاحق ہوتی ہے۔