مالی مشکلات دماغ کو وقت سے پہلے بوڑھا کر دیتی ہیں

ایک نئی تحقیق سے معلوم ہوا ہے کہ مالی مشکلات اعصاب کو تھکا دیتی ہیں اور دماغ کو وقت سے پہلے بوڑھا کر دیتی ہیں۔

یونیورسٹی کالج لندن کی ایک تحقیقی ٹیم کے مطابق، وہ افراد جو نوجوانی میں مالی مسائل یا آمدنی میں کمی کا سامنا کرتے ہیں، ان کی ذہنی صلاحیتیں 53 برس کی عمر تک پہنچتے پہنچتے متاثر ہو جاتی ہیں، جیسا کہ 'العربیہ' نے رپورٹ کیا۔

زندگی بھر مالی وسائل کی کمی دماغی کارکردگی پر اثرانداز ہوتی ہے بلکہ 69 سے 71 برس کی عمر میں دماغ کے حجم میں کمی کا باعث بھی بنتی ہے۔

اسی طرح آمدنی میں کمی اور مالی مشکلات کا تعلق 53 برس کی عمر میں دماغ کی معلومات پراسیس کرنے کی صلاحیت اور زبان سے متعلق یادداشت میں کمی سے بھی ہے، جبکہ مرد حضرات مالی مسائل سے خواتین کے مقابلے میں زیادہ متاثر ہوتے ہیں۔