اچھی نیند کے لیے رات کے کھانے میں احتیاط ضروری

ماہر غدد اور غذائیت ڈاکٹر اوکسانا میخالیووا کا کہنا ہے کہ رات کے کھانے کی نوعیت براہ راست نیند کے معیار پر اثر انداز ہوتی ہے، صرف زیادہ کھانا ہی اس کا سبب نہیں بنتا۔

ڈاکٹر اوکسانا کے مطابق بعض غذائیں اعصابی نظام کو متحرک اور نظام ہضم پر بوجھ ڈالتی ہیں، جس سے نیند میں دشواری اور معیار میں کمی آتی ہے۔ اس لیے سونے سے پہلے کیفین والے مشروبات سے پرہیز کرنا چاہیے، جیسا کہ روسیا ٹوڈے نے رپورٹ کیا۔

ان کے مطابق چکنائی والی غذائیں، فاسٹ فوڈ، تلی ہوئی اشیا، چربیلے گوشت اور ساسز نیند کے معیار پر منفی اثر ڈالتے ہیں، کیونکہ دیر سے ہضم ہونے والی غذائیں معدے کو بوجھل اور بے آرامی کا باعث بنتی ہیں۔

ڈاکٹر اوکسانا نے یہ بھی مشورہ دیا کہ رات کے کھانے میں زیادہ پروٹین سے گریز کریں، خاص طور پر اگر کھانا دیر سے کھایا جائے، اور سونے سے کم از کم دو گھنٹے پہلے کھانا کھا لیں۔