ماہر قلب: یہ عادت اچانک بلڈ پریشر بڑھا دیتی ہے

ماہر قلب و فشار خون ڈاکٹر صالح الغامدی نے ایک ایسے رویے سے خبردار کیا ہے جو اچانک بلڈ پریشر میں اضافہ کر دیتا ہے۔

ڈاکٹر الغامدی نے اپنے ایکس اکاؤنٹ پر بتایا کہ بلڈ پریشر کو اچانک بڑھانے اور اس کے استحکام میں سب سے بڑی رکاوٹ نہ تو نمک ہے، نہ چکنائی اور نہ ہی موروثی عوامل، بلکہ اصل وجہ بلڈ پریشر کے خوف میں مبتلا ہونا ہے۔

ان کا کہنا تھا کہ سینکڑوں مریض جب معائنہ کرانے آتے ہیں تو ان کا بلڈ پریشر بہت زیادہ ہوتا ہے، لیکن جب ہم انہیں پرسکون کرتے ہیں اور بتاتے ہیں کہ یہ نمبر موت کا فیصلہ نہیں، تو صرف پندرہ منٹ میں بغیر کسی اضافی دوا کے ان کا بلڈ پریشر 20 سے 30 پوائنٹس تک کم ہو جاتا ہے۔