قدمِ شکری کے تین بڑے اسباب: ڈاکٹر فہد الخضیری

طبی ماہر اور محقق ڈاکٹر فہد الخضیری نے قدمِ شکری کے تین اہم اسباب کی نشاندہی کی ہے۔

ڈاکٹر الخضیری نے ایکس پلیٹ فارم پر بتایا کہ قدمِ شکری عموماً تین بنیادی وجوہات کی بنا پر لاحق ہوتا ہے: اعصابی کمزوری، خون کی گردش میں کمی اور بیرونی چوٹ یا صدمہ۔

انہوں نے مزید کہا کہ قدمِ شکری، ذیابیطس کے مریضوں میں ایک پیچیدہ بیماری ہے، جو عموماً طویل عرصے (بیس سال یا اس سے زائد) تک ذیابیطس میں مبتلا رہنے والوں میں سامنے آتی ہے۔ اس کی وجوہات میں ادویات یا علاج میں کوتاہی بھی شامل ہے، حتیٰ کہ چند دنوں کی غفلت سے بھی خون میں شوگر کی سطح بڑھ جاتی ہے جس سے اعصابی نظام متاثر ہوتا ہے۔

انہوں نے کہا کہ ان پیچیدگیوں کے نتیجے میں خون کی ترسیل متاثر ہوتی ہے اور یہ مسائل چند ماہ کی لاپرواہی یا میٹھے اور نشاستہ دار غذاؤں کے زیادہ استعمال سے بھی پیدا ہو سکتے ہیں۔

دیگر وجوہات میں علاج کے دوران شوگر کی اوسط سطح برقرار نہ رکھنا، باقاعدہ معائنہ نہ کرانا اور ادویات میں غفلت شامل ہیں۔ یہ عموماً ان مریضوں میں زیادہ دیکھنے میں آتا ہے جو بیس سال یا اس سے زائد عرصے سے ذیابیطس میں مبتلا ہیں اور علاج میں لاپرواہی برتتے ہیں۔

ڈاکٹر الخضیری کے مطابق، قدمِ شکری کے بنیادی اسباب میں اعصابی کمزوری شامل ہے، جس میں شوگر کے طویل عرصے تک زیادہ رہنے سے اعصاب متاثر ہوتے ہیں اور مریض کو پاؤں میں درد یا حرارت کا احساس نہیں ہوتا۔ اسی طرح خون کی گردش میں کمی بھی ایک اہم وجہ ہے، جس میں شریانوں کی تنگی اور سختی کے باعث خون اور غذائی اجزا پاؤں تک نہیں پہنچ پاتے، جس سے زخم بھرنے میں رکاوٹ آتی ہے۔