آسٹریا میں 24 گھنٹوں میں دوسری بار تاریخ کی بلند ترین گرمی

آسٹریا نے 24 گھنٹوں کے دوران دوسری بار اپنی تاریخ کی بلند ترین درجہ حرارت ریکارڈ کی، جب مشرقی صوبے لوئر آسٹریا کے علاقے ڈوئچ آلٹنبرگ میں درجہ حرارت 41.2 ڈگری سیلسیس تک پہنچ گیا۔ یہ اعداد و شمار آج موسمیاتی سروس 'جیو سفیرا آسٹریا' نے ابتدائی رپورٹ کی بنیاد پر جاری کیے۔

یہ درجہ حرارت گزشتہ روز ویانا کے نواح میں ریکارڈ کیے گئے 41 ڈگری سیلسیس کے مقابلے میں بھی زیادہ ہے۔

ماہرین موسمیات کے مطابق مشرقی علاقوں میں جمعہ تک بہتری کی توقع نہیں، جبکہ مغربی حصوں میں جمعرات کو درجہ حرارت 30 ڈگری سے کم ہو سکتا ہے۔