سعودی وژن 2030 سے سیاحتی سرمایہ کاری کا نقشہ تبدیل

سیاحت اور ہوٹلنگ کے ماہر ڈاکٹر فیصل الشریف نے کہا ہے کہ سعودی وژن 2030 نے سیاحتی سرمایہ کاری کا نقشہ ازسرنو ترتیب دیا ہے۔ 

ڈاکٹر فیصل الشریف نے الاخباریہ چینل سے گفتگو میں بتایا کہ مکہ اور مدینہ میں 40 فیصد نئی ہوٹلنگ کی گنجائش رکھی گئی ہے، جبکہ 60 فیصد کمرے مختلف سیاحتی مقامات پر تقسیم کیے جا رہے ہیں تاکہ پائیدار سیاحت کو فروغ ملے اور عالمی برانڈز کو متوجہ کیا جا سکے۔ 

اعرض التغريدة على منصة X

انہوں نے مزید کہا کہ وژن 2030 کا بنیادی مقصد سیاحت کو موسمی اور مرکزی شہروں تک محدود رکھنے کے بجائے اسے مستقل اور ملک بھر میں پھیلانا ہے، جس سے سرمایہ کاری کے متنوع مواقع پیدا ہوں گے اور وہ عالمی برانڈز متوجہ ہوں گے جو انفرادیت کے خواہاں ہیں۔