وزارت صحت کی منہ کی بدبو کیلئے گھریلو نسخوں سے گریز کی ہدایت

وزارت صحت نے منہ کی بدبو کے علاج کے لیے گھریلو نسخے استعمال کرنے سے گریز کی ہدایت کی ہے۔

وزارت نے پلیٹ فارم (ایکس) پر مزید کہا کہ عام طور پر یہ سمجھا جاتا ہے کہ چائے یا نمک سے غرارے کرنے سے منہ کی بدبو دور ہو جاتی ہے، تاہم اس حوالے سے کوئی سائنسی شواہد موجود نہیں جو اس کے مؤثر ہونے یا اس کے اسباب کے علاج کو ثابت کریں۔

وزارت کے مطابق منہ کی بدبو عموماً زبان پر بیکٹیریا کے جمع ہونے، مسوڑھوں کی بیماری، دانتوں کے کیڑے یا منہ کی خشکی کے باعث پیدا ہوتی ہے۔ گرم پانی اور نمک سے غرارے گلے کے درد یا خراش کو وقتی طور پر کم کر سکتے ہیں، لیکن یہ منہ کی بدبو کی اصل وجہ کا علاج نہیں کرتے۔

ایکس پر مکمل پوسٹ دیکھیں