زیادہ یا کم نیند سے دماغی فالج کا خطرہ 65 فیصد بڑھ سکتا ہے

ماہر امراض قلب اور شریانوں کے پروفیسر، ڈاکٹر خالد النمر نے خبردار کیا ہے کہ نیند کی مدت زیادہ یا کم ہونے سے دل کی بیماریاں اور دماغی فالج کا خطرہ بڑھ جاتا ہے۔

ڈاکٹر خالد نے سوشل میڈیا پلیٹ فارم 'ایکس' پر بتایا کہ روزانہ چھ گھنٹے سے کم یا نو گھنٹے سے زیادہ نیند لینے سے دل اور دماغ کی بیماریوں کا خطرہ بڑھ جاتا ہے۔

ان کا کہنا تھا کہ زیادہ دیر تک سونا صحت کے لیے کم نیند سے بھی زیادہ نقصان دہ ہے، کیونکہ اس سے دماغی فالج کا خطرہ 65 فیصد تک بڑھ جاتا ہے۔