ابشر پلیٹ فارم پر الیکٹرانک نمبر پلیٹس نیلامی کل سے شروع

سعودی عرب میں جنرل ڈائریکٹوریٹ آف ٹریفک کل بدھ سے منفرد نمبر پلیٹس کے خواہشمند افراد کو ابشر پلیٹ فارم کے ذریعے الیکٹرانک نیلامی میں شرکت اور دستیاب پلیٹس پر آن لائن بولی لگانے کی سہولت فراہم کرے گا۔

صارفین ابشر پلیٹ فارم پر 'خدماتی' کے تحت 'ٹریفک' اور پھر 'الیکٹرانک نمبر پلیٹس نیلامی' کا انتخاب کر کے اس سروس تک رسائی حاصل کر سکتے ہیں۔

سروس میں داخل ہونے کے بعد صارف اپنی گاڑی کی پلیٹس کی قسم منتخب کرے گا، جس کے بعد اس کے سامنے دستیاب پلیٹس آ جائیں گی جن پر وہ آن لائن بولی میں حصہ لے سکتا ہے۔

اعرض التغريدة على منصة X

محکمہ ٹریفک نے منفرد نمبر پلیٹس کے خواہشمند افراد کو ابشر پلیٹ فارم کے ذریعے نیلامی میں شرکت کی دعوت دی ہے اور واضح کیا ہے کہ اس سروس کے ذریعے بولی کا عمل مکمل طور پر آن لائن کیا جا سکتا ہے۔