عسیر: شہری کا گاڑی سمیت محفوظ چراگاہ میں داخلہ، کارروائی

خصوصی ماحولیاتی سیکیورٹی فورسز نے عسیر ریجن میں ایک شہری کو ماحولیاتی نظام کی خلاف ورزی پر اس وقت گرفتار کیا جب وہ اپنی گاڑی کے ساتھ محفوظ چراگاہ اور سبزہ زار میں داخل ہوا۔ اس کے خلاف قانونی کارروائی عمل میں لائی گئی۔

ایکس پر اصل پوسٹ دیکھیں

فورسز کے مطابق، محفوظ چراگاہوں اور سبزہ زاروں میں گاڑی یا موٹر کار لے جانے پر دو ہزار سعودی ریال تک جرمانہ عائد کیا جا سکتا ہے۔ فورسز نے شہریوں سے اپیل کی ہے کہ اگر کہیں بھی ماحول یا جنگلی حیات کو نقصان پہنچتا دیکھیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔