اتوار کو گرج چمک کے ساتھ بارش اور تیز ہوائیں متوقع

قومی مرکز برائے موسمیات نے اپنے اتوار کے روزانہ رپورٹ میں پیش گوئی کی ہے کہ جازان، عسیر اور باحہ کے بعض حصوں میں گرج چمک کے ساتھ بارش اور ژالہ باری متوقع ہے۔

رپورٹ میں مزید بتایا گیا ہے کہ مدینہ منورہ، مکہ مکرمہ اور نجران کے پہاڑی علاقوں کے کچھ حصوں کے علاوہ مشرقی اور ریاض کے جنوبی حصوں میں بھی بارش برسانے والے بادل بننے کا امکان ہے۔

مرکز نے مزید کہا کہ ان علاقوں میں گرد و غبار اٹھانے والی تیز ہوائیں بھی جاری رہیں گی، جبکہ مشرقی علاقوں میں موسم گرم سے شدید گرم رہنے کی توقع ہے۔

ساحلی علاقوں کے حوالے سے رپورٹ میں بتایا گیا ہے کہ مشرقی ساحلوں اور تبوک و مدینہ منورہ کے ساحلی حصوں میں رات اور صبح کے اوقات میں دھند چھانے کا امکان ہے۔

سمندر اور ہواؤں کی صورتحال

رپورٹ کے مطابق بحیرہ احمر میں سطحی ہوائیں شمال مغرب سے جنوب مغرب کی سمت 10 سے 35 کلومیٹر فی گھنٹہ کی رفتار سے چلیں گی، جبکہ جنوبی حصے میں بارش برسانے والے بادل بننے پر رفتار 50 کلومیٹر فی گھنٹہ سے بڑھ سکتی ہے۔

موجوں کی اونچائی آدھے میٹر سے ڈیڑھ میٹر تک رہے گی، تاہم جنوبی حصے میں گرج چمک کے ساتھ بارش کے دوران یہ دو میٹر سے بھی زیادہ ہو سکتی ہے۔ اس دوران سمندر کی حالت ہلکی سے درمیانی اور بارش کے وقت موجیں بلند ہو جائیں گی۔

خلیج عرب میں ہوائیں شمال مغرب سے شمال مشرق کی سمت 10 سے 25 کلومیٹر فی گھنٹہ کی رفتار سے چلیں گی، جبکہ موجوں کی اونچائی آدھے میٹر سے ایک میٹر تک رہے گی اور سمندر کی حالت ہلکی موج دار ہوگی۔