بلغاریہ کی حوثی حملوں کی شدید مذمت

بلغاریہ نے سعودی عرب پر حوثی ملیشیا کے مسلسل دہشت گرد حملوں کی شدید مذمت کی ہے، جن میں شہریوں اور شہری و اقتصادی انفراسٹرکچر کو نشانہ بنایا گیا۔

بلغاریہ کی وزارت خارجہ نے اپنے بیان میں کہا کہ اس نوعیت کے حملے ناقابل قبول ہیں اور یہ علاقائی سلامتی کے لیے سنگین خطرہ اور یمن میں پرامن حل کی کوششوں کو نقصان پہنچاتے ہیں۔

بیان میں فوری طور پر حملے روکنے، بین الاقوامی قوانین کی پاسداری اور کشیدگی میں کمی پر زور دیا گیا، جبکہ سعودی عرب سے یکجہتی اور یمن میں جامع و پائیدار امن کی کوششوں کی حمایت کا اعادہ کیا گیا۔