جازان: سمندر میں طبیعت خراب ہونے پر شہری کو بچا لیا گیا

جازان کے ضلع صامطہ میں بارڈر گارڈز کی سرچ اور ریسکیو ٹیموں نے ایک شہری کو اس وقت بچا لیا جب اسے اپنی کشتی میں اچانک طبیعت خراب ہونے کا سامنا کرنا پڑا۔

بارڈر گارڈز نے اپنے ایکس اکاؤنٹ پر بتایا کہ شہری کو فوری طور پر طبی امداد فراہم کی گئی اور اسپتال منتقل کیا گیا، جہاں اس کی حالت اب تسلی بخش ہے۔

محکمہ بارڈر گارڈز نے شہریوں کو ہدایت کی ہے کہ وہ سمندر میں روانگی سے قبل حفاظتی تدابیر پر عمل کریں، فرسٹ ایڈ کٹ اور کشتی کی حفاظت کو یقینی بنائیں، اور ہنگامی صورت میں مکہ مکرمہ، مدینہ منورہ اور مشرقی ریجن میں 911 جبکہ باقی علاقوں میں 994 پر رابطہ کریں۔

اعرض التغريدة على منصة X