حرمین اتھارٹی نے ربیع الآخر میں عمرہ کے بہترین اوقات بتا دیے

حرمین شریفین اور مسجد نبوی کے امور کی عمومی نگراں اتھارٹی نے ربیع الآخر کے دوران عمرہ کی ادائیگی کے لیے بہترین اوقات کا اعلان کیا ہے۔ یہ اقدام معتمرین کی سہولت اور مطاف و مسعیٰ میں آرام و سلامتی کے معیار کو بلند کرنے کے لیے رہنمائی اور آگاہی مہم کا حصہ ہے۔

اتھارٹی نے اپنی آگاہی پیغامات میں بتایا کہ رات 10 بجے سے صبح 4 بجے تک اور صبح 8 بجے سے شام 4 بجے تک مطاف اور مسعیٰ میں بھیڑ کم ہوتی ہے، جس سے معتمرین آسانی اور سہولت کے ساتھ مناسک ادا کر سکتے ہیں۔

اتھارٹی کے مطابق صبح 5 بجے سے 7 بجے تک بھیڑ درمیانی سطح پر رہتی ہے، جبکہ شام 5 بجے سے رات 9 بجے تک بھیڑ اپنی بلند ترین سطح پر پہنچ جاتی ہے۔ اتھارٹی نے معتمرین کو مشورہ دیا ہے کہ وہ عمرہ کی منصوبہ بندی کرتے وقت ان اوقات کو مدنظر رکھیں اور مناسب وقت کا انتخاب کریں۔

اسی سلسلے میں اتھارٹی مسجد الحرام آنے والوں کو مسلسل رہنمائی فراہم کر رہی ہے تاکہ حرمین شریفین میں آمد و رفت میں آسانی اور سلامتی کے اعلیٰ معیار کو یقینی بنایا جا سکے۔