اساتذہ پر انتظامی بوجھ کم کرنے کے لیے نئی تجرباتی شراکت

وزیر تعلیم یوسف البنیان نے کہا ہے کہ ہم سعودی ڈیٹا و آرٹیفیشل انٹیلی جنس اتھارٹی (سدايا) اور ہیومین کمپنی کے ساتھ مل کر ایک ایسا تجربہ شروع کرنے جا رہے ہیں جس سے اساتذہ پر انتظامی اور عملی بوجھ کم ہوگا۔

وزیر تعلیم نے حکومتی پریس کانفرنس کے دوران مزید کہا کہ اس اقدام سے ہر طالب علم کی ضروریات کی نشاندہی ممکن ہوگی، جس سے تعلیمی نتائج میں بہتری آئے گی۔ انہوں نے بتایا: «ہم نے گزشتہ تین برسوں کے دوران مملکت کی تمام اسکولوں کا جائزہ لیا ہے تاکہ تعلیمی نتائج کو مضبوط بنایا جا سکے»۔

وزیر تعلیم نے مزید کہا کہ ہم طلبہ کو بہترین خدمات فراہم کرنے کے لیے کوشاں ہیں کیونکہ وہ نظام تعلیم کا سب سے اہم جزو ہیں۔ اس کے لیے نہ صرف ان کے حقوق و فرائض کا خیال رکھا جا رہا ہے بلکہ اساتذہ کی ترقی اور معاشرے میں ان کے کردار و مقام کو بھی اجاگر کیا جا رہا ہے۔