امام ترکی بن عبداللہ محفوظ علاقے میں 30 اونٹ چرانے پر شہری گرفتار

خصوصی فورس برائے ماحولیاتی تحفظ نے ایک شہری کو ماحولیاتی قوانین کی خلاف ورزی پر اس وقت گرفتار کیا جب اس نے امام ترکی بن عبداللہ شاہی محفوظ علاقے میں ممنوعہ مقامات پر 30 اونٹ چرائے۔ اس کے خلاف ضابطے کے مطابق کارروائی کی گئی ہے۔

فورس کے مطابق ممنوعہ علاقوں میں اونٹ چرانے پر ہر اونٹ کے حساب سے 500 سعودی ریال جرمانہ عائد کیا جاتا ہے۔ فورس نے واضح کیا کہ متعلقہ قوانین کے مطابق مقررہ سزا لاگو کی جائے گی۔

خصوصی فورس برائے ماحولیاتی تحفظ نے شہریوں پر زور دیا ہے کہ وہ ماحول یا جنگلی حیات پر کسی بھی قسم کے حملے کی اطلاع مخصوص ہیلپ لائن نمبرز پر دیں۔

اعرض التغريدة على منصة X

مکہ مکرمہ، مدینہ منورہ، ریاض اور مشرقی ریجن میں شکایات کے لیے 911 جبکہ دیگر علاقوں میں 999 اور 996 پر رابطہ کیا جا سکتا ہے۔

فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔