جازان: یمنی شہریوں کی 95 کلو گرام قات اسمگل کرنے کی کوشش ناکام

جازان ریجن کے العارضہ سیکٹر میں بارڈر گارڈز کی زمینی گشتی ٹیموں نے سرحدی سکیورٹی قوانین کی خلاف ورزی کرنے والے پانچ یمنی شہریوں کو اس وقت گرفتار کیا جب وہ 95 کلو گرام نشہ آور قات اسمگل کرنے کی کوشش کر رہے تھے۔

حرس الحدود نے ایکس پلیٹ فارم پر بتایا کہ گرفتار افراد کے خلاف ابتدائی قانونی کارروائیاں مکمل کر لی گئی ہیں اور انہیں اور ضبط شدہ مواد کو متعلقہ ادارے کے حوالے کر دیا گیا ہے۔

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کریں۔ اس کے علاوہ جنرل ڈائریکٹوریٹ آف نارکوٹکس کنٹرول کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔

اعرض التغريدة على منصة X