سعودی کابینہ کی کویت کے ساتھ شراکت داری پر تعاون کی منظوری

سعودی کابینہ نے حکومت سعودی عرب اور حکومت کویت کے درمیان عوامی و نجی شعبے کی شراکت داری کے شعبے میں تعاون کی یادداشت کی منظوری دے دی ہے۔

اس کے علاوہ، کابینہ نے معالی وزیر تجارت یا ان کے نمائندے کو تیونس کے ساتھ سعودی وزارت تجارت اور تیونس کی وزارت تجارت و برآمدات کی ترقی کے درمیان صارفین کے تحفظ کے شعبے میں تعاون کی یادداشت پر بات چیت اور دستخط کا اختیار دیا ہے۔

کابینہ نے سعودی زکوة، ٹیکس و کسٹمز اتھارٹی اور نیوزی لینڈ کسٹمز کے درمیان کسٹمز امور میں باہمی انتظامی معاونت سے متعلق تعاون کی یادداشت کی بھی منظوری دی ہے۔

اسی سلسلے میں، کابینہ نے ایٹمی و شعاعی نگرانی کی سعودی اتھارٹی کے چیئرمین یا ان کے نمائندے کو ملائیشیا کے ساتھ سعودی عرب اور ملائیشیا کی حکومتوں کے درمیان ایٹمی سلامتی، تحفظ اور ضمانتوں کے شعبوں میں تعاون کی یادداشت پر بات چیت کا اختیار دیا ہے۔