جازان میں منشیات اسمگلنگ کی کوشش ناکام، بڑی مقدار ضبط

جازان کے الدائر سیکٹر میں بارڈر گارڈز کی زمینی گشتی ٹیموں نے 26,355 ایسی گولیاں اور 17 کلوگرام چرس اسمگل کرنے کی کوشش ناکام بنا دی، جو طبی ضوابط کے تحت محدود ہیں۔

حرس الحدود نے اپنے ایکس اکاؤنٹ پر بتایا کہ ابتدائی قانونی کارروائی مکمل کر کے ضبط شدہ اشیا متعلقہ ادارے کے حوالے کر دی گئی ہیں۔

تغریر X پر دیکھیں

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور شرقیہ ریجن میں (911)، جبکہ باقی علاقوں میں (999) اور (994) پر رابطہ کریں۔ اس کے علاوہ منشیات کنٹرول ڈائریکٹوریٹ کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ لی جائیں گی اور اطلاع دینے والے پر کوئی ذمہ داری عائد نہیں ہوگی۔