جازان میں شہری قات اسمگل کرتے ہوئے گرفتار

جازان کے الدائر سیکٹر میں بارڈر گارڈز کی زمینی گشتی ٹیموں نے ایک شہری کو 22 کلوگرام نشہ آور قات اسمگل کرنے کی کوشش پر گرفتار کر لیا۔

حرس الحدود نے ایکس پلیٹ فارم پر جاری بیان میں بتایا کہ ملزم کے خلاف ابتدائی قانونی کارروائی مکمل کر کے اسے اور ضبط شدہ مواد کو متعلقہ ادارے کے حوالے کر دیا گیا ہے۔

ایکس پر اصل پوسٹ دیکھیں

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور شرقیہ ریجنز میں (911)، جبکہ دیگر علاقوں میں (999) اور (994) پر رابطہ کریں۔ اس کے علاوہ جنرل ڈائریکٹوریٹ آف نارکوٹکس کنٹرول کے ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ لی جائیں گی اور اطلاع دینے والے پر کوئی ذمہ داری عائد نہیں ہو گی۔