سعودی قیادت کی گورنر جنرل جمیکا کو یوم آزادی پر مبارکباد

خادم الحرمین الشریفین شاہ سلمان بن عبدالعزیز آل سعود نے جمیکا کے گورنر جنرل سر پیٹرک ایلن کو ان کے ملک کے یوم آزادی کے موقع پر تہنیتی پیغام بھیجا ہے۔

شاہ سلمان نے اپنے پیغام میں گورنر جنرل کے لیے صحت و خوشی اور جمیکا کی حکومت و عوام کے لیے ترقی و خوشحالی کی نیک تمناؤں کا اظہار کیا۔

اسی مناسبت سے ولی عہد و وزیراعظم شہزادہ محمد بن سلمان بن عبدالعزیز آل سعود نے بھی سر پیٹرک ایلن کو یوم آزادی پر مبارکباد کا پیغام بھیجا۔

ولی عہد نے اپنے پیغام میں گورنر جنرل کے لیے صحت و مسرت اور جمیکا کی حکومت و عوام کے لیے مزید ترقی و خوشحالی کی خواہش ظاہر کی۔