سعودی عرب میں 84 ہزار سے زائد ٹویوٹا کیمری گاڑیاں واپس طلب

وزارت تجارت نے اعلان کیا ہے کہ مملکت میں 2025 اور 2026 ماڈل کی 84,639 ٹویوٹا کیمری گاڑیاں ڈیش بورڈ کے نظام میں خرابی کے باعث واپس منگوائی جا رہی ہیں۔

وزارت کے مطابق اس خرابی کے باعث ڈرائیور کو اہم معلومات نظر نہیں آ سکتیں، اس کے علاوہ اشارے، وارننگ لائٹس، اسٹارٹ کی اور سیٹ بیلٹ سے متعلق الارم بھی کام نہیں کرتے، جس سے حادثے کا خطرہ بڑھ جاتا ہے۔

وزارت نے متاثرہ گاڑیوں کے مالکان سے کہا ہے کہ وہ مقامی ڈیلر، عبداللطیف جمیل کمپنی، کے مفت ہیلپ لائن نمبر (8004400055) پر رابطہ کر کے مفت پروگرامنگ کروا لیں۔

اسی سلسلے میں، گاڑی کے چیسز نمبر کی شمولیت کی تصدیق کے لیے صارفین Recalls.sa ویب سائٹ پر بھی جا سکتے ہیں۔