سعودی و عمانی وزرائے خارجہ کا علاقائی صورتحال پر تبادلہ خیال

وزیر خارجہ شہزادہ فیصل بن فرحان بن عبداللہ کو سلطنت عمان کے وزیر خارجہ بدر بن حمد البوسعيدی نے ٹیلیفون کیا۔

گفتگو کے آغاز میں البوسعيدی نے ابہا اور کنگ خالد بین الاقوامی ہوائی اڈوں کو نشانہ بنانے کی مذمت کی اور سلطنت عمان کی جانب سے سعودی عرب سے مکمل یکجہتی کا اظہار کیا۔ انہوں نے کہا کہ ان کی حکومت شہری تنصیبات کو نشانہ بنانے اور مملکت کے امن و امان اور شہریوں کی سلامتی کو خطرے میں ڈالنے کی ہر کوشش کو مسترد کرتی ہے۔

دونوں وزرائے خارجہ نے علاقائی صورتحال اور تازہ ترین پیش رفت کے علاوہ سفارتی حل کی اہمیت پر بھی تبادلہ خیال کیا، تاکہ خطے میں کشیدگی کم ہو اور امن و استحکام کو فروغ ملے۔

اعرض التغريدة على منصة X