سعودی عرب اپنی سرزمین کے دفاع کیلئے مکمل تیار ہے: وزیر اطلاعات

وزیر اطلاعات سلمان الدوسری نے کہا ہے کہ سعودی عرب اپنی سرزمین کے دفاع، شہریوں اور مقیمین کے تحفظ اور ہر قسم کے خطرات سے نمٹنے کے لیے مکمل طور پر تیار ہے، اور ملک میں زندگی معمول کے مطابق جاری ہے۔

وزیر اطلاعات نے حکومتی پریس کانفرنس کے دوران مزید کہا کہ ہم ایک ایسی دہشت گرد ملیشیا کے سامنے ہیں جو بارہا یہ ثابت کر چکی ہے کہ وہ بین الاقوامی قوانین اور اخلاقی و دینی اصولوں کی کوئی پرواہ نہیں کرتی۔ حرمین شریفین، مقدس مقامات، شہریوں اور اہم تنصیبات کو نشانہ بنانا اس گروہ کی حقیقت کو ظاہر کرتا ہے اور اس سے چوکسی اور تیاری ہم سب کی مشترکہ ذمہ داری بن جاتی ہے۔

انہوں نے مزید کہا کہ حوثی ملیشیا کا دہشت گردانہ طرز عمل اور اس کے حملوں کا دائرہ معتمرین اور حرمین شریفین کے زائرین تک پھیل چکا ہے، جو سعودی عرب کے ہوائی اڈوں پر بڑی تعداد میں موجود ہوتے ہیں، اور ان ہوائی اڈوں کو نشانہ بنانا مکہ مکرمہ اور مدینہ منورہ جانے والے بے گناہ افراد کو خطرے میں ڈالنے کے مترادف ہے۔

اعرض التغريدة على منصة X