مشرقیہ میں دو بنگلہ دیشی مقیمین منشیات فروشی پر گرفتار

سعودی محکمہ انسداد منشیات نے مشرقی ریجن میں دو بنگلہ دیشی مقیمین کو ہیروئن اور میتھ ایمفیٹامین (شبو) جیسی منشیات فروخت کرنے کے الزام میں گرفتار کر لیا ہے۔

محکمے نے اپنے ایکس اکاؤنٹ پر بتایا کہ دونوں ملزمان کو حراست میں لے کر ان کے خلاف قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیمین سے اپیل کی ہے کہ اگر انہیں منشیات کی اسمگلنگ یا فروخت سے متعلق کوئی معلومات ہوں تو وہ مکہ مکرمہ، مدینہ منورہ، ریاض اور مشرقیہ ریجنز میں (911) اور باقی علاقوں میں (999) یا (994) پر رابطہ کریں، جبکہ محکمہ انسداد منشیات کا ہیلپ لائن نمبر (995) اور ای میل (Email:[email protected]) بھی دستیاب ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔

اعرض التغريدة على منصة X