ترکی کی حوثیوں کے حملے کی مذمت، سعودی عرب سے اظہار یکجہتی

ترکی نے ریاض میں واقع کنگ خالد انٹرنیشنل ایئرپورٹ پر حوثی گروپ کے حملے کی شدید مذمت کی ہے اور سعودی عرب کی خودمختاری اور علاقائی سلامتی کے لیے اپنی حمایت کا اعادہ کیا ہے۔

ترک وزارت خارجہ نے آج جاری کردہ بیان میں کہا ہے کہ وہ حوثیوں کی جانب سے سعودی دارالحکومت ریاض کے کنگ خالد ایئرپورٹ کو ایک بار پھر نشانہ بنانے کی سخت ترین الفاظ میں مذمت کرتی ہے، اور حملے کے متاثرین کے اہل خانہ سے تعزیت اور زخمیوں کی جلد صحتیابی کی خواہش کا اظہار کرتی ہے۔

وزارت نے واضح کیا کہ شہری انفراسٹرکچر اور عام شہریوں کو جان بوجھ کر نشانہ بنانا بین الاقوامی قانون اور بین الاقوامی انسانی قانون کے اصولوں کی کھلی خلاف ورزی ہے۔

ترک وزارت خارجہ نے مزید کہا کہ ایسے اقدامات کا فوری خاتمہ ضروری ہے جو علاقائی سلامتی اور استحکام کے لیے خطرہ ہیں اور عالمی برادری کی جانب سے امن کے قیام کی کوششوں کو نقصان پہنچاتے ہیں۔ وزارت نے ایک بار پھر سعودی عرب کی خودمختاری اور علاقائی سلامتی کے لیے اپنی حمایت کا اعادہ کیا۔