سعودی عرب کو بایوٹیکنالوجی میں عالمی مرکز بننے کا موقع

سپیماکو دوا ساز گروپ کے چیف ایگزیکٹو ڈاکٹر احمد الجدیع نے کہا ہے کہ سعودی عرب کے پاس بایوٹیکنالوجی کے شعبے میں علاقائی اور عالمی مرکز بننے کا حقیقی موقع موجود ہے۔

ڈاکٹر الجدیع نے "ریڈیو الاخباریہ" سے ٹیلیفونک گفتگو میں مزید کہا کہ یہ مواقع قومی بایوٹیکنالوجی حکمت عملی کا حصہ ہیں۔ ان کا کہنا تھا کہ مملکت کو حکومت کی غیر معمولی سرپرستی حاصل ہے، یہاں صحت کا مضبوط انفراسٹرکچر موجود ہے اور ملک میں جدید ترین ہسپتال اور طبی مراکز ہیں جو اعلیٰ درجے کے علاج فراہم کر رہے ہیں۔

سپیماکو دوا ساز گروپ کے سی ای او نے اس بات پر زور دیا کہ اب ہمارے پاس قومی بایوٹیکنالوجی حکمت عملی موجود ہے، جس کی چار بنیادی ترجیحات میں سے تین کا تعلق دواسازی کی صنعت سے ہے، جن میں ویکسین، جینیاتی علاج اور حیاتیاتی مصنوعات کی مقامی تیاری شامل ہے۔

ڈاکٹر الجدیع نے اس بات کی نشاندہی کی کہ یہ بہت اہم ہے کہ ہم جدت کے استعمال سے آگے بڑھ کر جدت سازی کی طرف آئیں۔ یہ مرحلہ ایک دم نہیں آتا بلکہ اس کے لیے پہلے علم اور ٹیکنالوجی کی منتقلی، پھر مقامی صلاحیتوں کی ترقی، اور اس کے بعد تحقیق، ترقی، جدت اور جدید مینوفیکچرنگ کی طرف بڑھنا ضروری ہے۔

اعرض التغريدة على منصة X