رابطہ عالم اسلامی کی سعودی عرب پر حملوں کی شدید مذمت
رابطہ عالم اسلامی نے ایران سے وابستہ عراقی ملیشیاؤں کے ڈرون حملوں کی مذمت کرتے ہوئے سعودی عرب سے مکمل یکجہتی کا اظہار کیا ہے۔
اہم نکات
AI
رابطہ عالم اسلامی نے ان حملوں کی شدید مذمت کی ہے جو ایران سے وابستہ دہشت گرد ملیشیاؤں نے عراق سے سعودی عرب پر ڈرونز کے ذریعے کیے۔ تنظیم نے ان حملوں پر سخت احتجاج کرتے ہوئے سعودی حکام کی ڈرونز کو ناکام بنانے کی صلاحیت کو سراہا۔
رابطہ عالم اسلامی کے سیکریٹری جنرل اور مجلس علمائے مسلمین کے سربراہ، شیخ ڈاکٹر محمد بن عبد الکریم العیسیٰ نے تنظیم کی جانب سے جاری بیان میں ان حملوں کو مجرمانہ اور بزدلانہ قرار دیا جو تمام مذہبی اقدار، عالمی قوانین اور انسانی اصولوں کی کھلی خلاف ورزی ہیں۔
اعرض التغريدة على منصة X
ڈاکٹر العیسیٰ نے رابطہ کی عالمی مجالس، اداروں اور اس کے زیر سایہ مسلم اقوام کی جانب سے سعودی عرب کے ساتھ مکمل یکجہتی کا اعادہ کیا اور کہا کہ مملکت کی سلامتی، خودمختاری اور شہریوں و مقیمین کے تحفظ کے لیے کیے گئے تمام اقدامات کی بھرپور حمایت کی جاتی ہے۔ انہوں نے دعا کی کہ اللہ تعالیٰ سعودی عرب کی سرزمین، قیادت اور عوام کو ہر آفت سے محفوظ رکھے۔