کل اتوار سے ابشر پر الیکٹرانک نمبر پلیٹس نیلامی

سعودی محکمہ ٹریفک کے مطابق ابشر پلیٹ فارم پر الیکٹرانک نمبر پلیٹس کی نیلامی کل اتوار سے ان افراد کے لیے کھولی جائے گی جو منفرد نمبر پلیٹس خریدنے کے خواہشمند ہیں۔ اس نیلامی میں شرکت مکمل طور پر آن لائن کی جا سکتی ہے۔

محکمہ ٹریفک نے اپنے سرکاری ایکس اکاؤنٹ پر وضاحت کی ہے کہ نیلامی میں حصہ لینے کے خواہشمند افراد سب سے پہلے ابشر پلیٹ فارم پر لاگ ان کریں، پھر 'خدماتی' منتخب کریں، اس کے بعد 'ٹریفک' اور پھر 'الیکٹرانک نمبر پلیٹس نیلامی' کی سروس پر جائیں۔

سروس میں داخل ہونے کے بعد صارف اپنی گاڑی کی پلیٹس کی قسم منتخب کرے گا، جس کے بعد دستیاب نمبر پلیٹس کی فہرست سامنے آ جائے گی اور وہ ان پر آن لائن بولی لگا سکے گا۔

ایکس پر اصل پوسٹ دیکھیں

یہ نیلامی ابشر پلیٹ فارم کی ان الیکٹرانک خدمات میں شامل ہے جو منفرد نمبر پلیٹس کی خریداری کے لیے فراہم کی گئی ہیں، جس کے ذریعے صارفین نیلامی میں شرکت کے تمام مراحل آن لائن مکمل کر سکتے ہیں۔