او آئی سی میں سعودی اور ایرانی مندوبین کی ملاقات

جدہ میں وزارت خارجہ کے دفتر میں اسلامی تعاون تنظیم (او آئی سی) کے سعودی مستقل مندوب ڈاکٹر صالح بن حمد السحیبانی نے تنظیم میں ایران کے مستقل مندوب، سفیر محمد حسن شیخ الاسلامی کا استقبال کیا۔

ملاقات میں باہمی دلچسپی کے متعدد امور پر تبادلہ خیال کیا گیا، اس کے علاوہ تنظیم اور اس کے مختلف اداروں سے متعلق معاملات پر بھی گفتگو ہوئی۔ دونوں رہنماؤں نے موجودہ چیلنجز کے تناظر میں او آئی سی کے قائدانہ کردار کی اہمیت پر زور دیا، جو اقوام متحدہ کے بعد دنیا کی دوسری بڑی کثیر الجہتی تنظیم ہے۔