ریاض میں ماحولیاتی خلاف ورزی پر 7 غیرملکی گرفتار، 8 مشینیں ضبط

ماحولیاتی سکیورٹی فورس نے ریاض ریجن میں مٹی اور معدنیات کے غیرقانونی استحصال پر 7 غیرملکیوں کو گرفتار کیا ہے، جبکہ 8 بھاری مشینیں بھی ضبط کی گئی ہیں جو زمین کی کھدائی اور نقل و حمل میں استعمال ہو رہی تھیں۔ خلاف ورزی کرنے والوں کے خلاف قانونی کارروائی عمل میں لائی گئی۔

فورس کے مطابق گرفتار ہونے والوں میں افغان، پاکستانی، ایتھوپیائی اور یمنی شہری شامل ہیں۔

فورس نے شہریوں سے اپیل کی ہے کہ ماحول یا جنگلی حیات کے خلاف کسی بھی خلاف ورزی کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔