دمام ایئرپورٹ سے الجبیل و الخفجی کیلئے بس سروس کا آغاز

سعودی جنرل ٹرانسپورٹ اتھارٹی نے مطارات الدمام کے تعاون سے مسافروں کے لیے بس سروس کے پہلے مرحلے کا آغاز کر دیا ہے، جس کے تحت دو مخصوص روٹس کے ذریعے شاہ فہد بین الاقوامی ایئرپورٹ کو الجبیل شہر اور الخفجی کمشنری سے جوڑا گیا ہے۔ اس اقدام کا مقصد معیارِ زندگی میں بہتری، نقل و حرکت میں آسانی اور مشرقی ریجن کے شہروں کے درمیان رابطے کو مضبوط بنانا ہے، تاکہ ٹرانسپورٹ نظام میں ہم آہنگی اور مسافروں کے لیے سفر کے مزید مواقع فراہم کیے جا سکیں۔

اتھارٹی کے مطابق پہلے مرحلے میں دونوں سمتوں میں بسوں کی آمد و رفت کے لیے مخصوص روٹس پر سروس شروع کی گئی ہے، جس سے مسافروں کو ایئرپورٹ تک پہنچنے اور وہاں سے اپنی منزلوں تک جانے میں سہولت ملے گی۔ اس سے فضائی اور زمینی ٹرانسپورٹ کے درمیان ربط بھی مضبوط ہوگا۔ یہ سروس جدید بسوں کے ذریعے فراہم کی جا رہی ہے، جو مسافروں کی حفاظت اور آرام کے لیے جدید سہولیات سے لیس ہیں، تاکہ سفر کا معیار بہتر ہو اور مسافروں کی ضروریات پوری کی جا سکیں۔

مسافر اس سروس کے لیے اس لنک پر جا کر یا شاہ فہد بین الاقوامی ایئرپورٹ کے آمد ہال میں گیٹ نمبر 5 اور 6 کے قریب واقع سروس دفاتر سے بکنگ کر سکتے ہیں۔