شمالی سرحدی علاقے میں منشیات فروش گرفتار

سعودی محکمہ انسداد منشیات نے شمالی سرحدی علاقے میں ایک شہری کو منشیات (حشیش) فروخت کرنے کے الزام میں گرفتار کر لیا ہے۔

محکمہ انسداد منشیات نے اپنے ایکس اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے پبلک پراسیکیوشن کے حوالے کر دیا گیا ہے۔

سیکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع دیں۔ مکہ مکرمہ، ریاض اور مشرقی ریجن میں (911) اور دیگر علاقوں میں (999) پر، جبکہ محکمہ انسداد منشیات کی ہیلپ لائن (995) اور ای میل [email protected] پر بھی رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا۔