سعودی کسٹمز: ایک ہفتے میں 1059 ضبطگیاں

سعودی عرب کے زمینی، بحری اور فضائی کسٹمز نے اعلان کیا ہے کہ ایک ہفتے کے دوران ممنوعات کی 1059 ضبطگیاں کی گئی ہیں۔ یہ اقدامات زکوة، ٹیکس اور کسٹمز اتھارٹی (زاتکا) کی جانب سے سیکیورٹی کو مضبوط بنانے اور معاشرے کو مختلف اقسام کی ممنوعات سے محفوظ رکھنے کے لیے کیے گئے ہیں۔

ضبط کی گئی اشیا میں 70 اقسام کی منشیات شامل ہیں، جن میں حشیش، کوکین، ہیروئن، شبو اور کیپٹاگون گولیاں وغیرہ شامل ہیں، اس کے علاوہ 328 اقسام کی دیگر ممنوعہ اشیا بھی ضبط کی گئیں۔

کسٹمز حکام نے 841 بار تمباکو اور اس کی مصنوعات کی اسمگلنگ ناکام بنائی، جبکہ 20 اقسام مالی رقوم اور اسلحہ و اس کے لوازمات کی ایک قسم بھی ضبط کی گئی۔

زاتکا نے اس عزم کا اعادہ کیا ہے کہ وہ مملکت کی درآمدات اور برآمدات پر کسٹمز کنٹرول مزید سخت کرے گی تاکہ معاشرتی تحفظ کو یقینی بنایا جا سکے، اور اس مقصد کے لیے متعلقہ اداروں کے ساتھ مسلسل تعاون جاری رکھا جائے گا۔

زاتکا نے عوام سے اپیل کی ہے کہ وہ اسمگلنگ کی روک تھام اور قومی معیشت کے تحفظ کے لیے تعاون کریں۔ اس مقصد کے لیے شہری کسٹمز اتھارٹی کے مخصوص ہیلپ لائن نمبر (1910)، ای میل ([email protected]) یا بین الاقوامی نمبر (009661910) پر رابطہ کر سکتے ہیں۔ ان ذرائع کے ذریعے اسمگلنگ اور کسٹمز قوانین کی خلاف ورزیوں کی اطلاع دی جا سکتی ہے، اور درست اطلاع دینے والے کو مالی انعام بھی دیا جائے گا۔