نجران میں نشہ آور گولیوں کا اسمگلر گرفتار

سعودی محکمہ انسداد منشیات نے نجران میں ایک شخص کو 1083 نشہ آور ایمفیٹامین گولیاں اور طبی ضابطے کے تحت آنے والی گولیاں فروخت کرنے کے الزام میں گرفتار کیا ہے۔

محکمہ کے مطابق ملزم کو حراست میں لے کر اس کے خلاف قانونی کارروائی مکمل کر کے اسے پبلک پراسیکیوشن کے حوالے کر دیا گیا ہے۔

محکمہ نے شہریوں سے اپیل کی ہے کہ منشیات اسمگلروں اور ڈیلروں کی اطلاع دینے کے لیے 995 پر کال کریں یا [email protected] پر ای میل کریں۔ مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 پر بھی اطلاع دی جا سکتی ہے۔ محکمہ نے واضح کیا ہے کہ تمام اطلاعات کو مکمل رازداری کے ساتھ نمٹایا جاتا ہے اور اطلاع دینے والے پر کوئی ذمہ داری عائد نہیں ہوتی۔