سعودی لیپ 2026 میں جدید پروازی ڈرون کی نمائش

محکمہ امن عامہ نے وزارت داخلہ کے اسٹال کے تحت ریاض میں جاری لیپ 2026 کانفرنس و نمائش میں جدید ونگڈ ڈرون پیش کیا، جو سکیورٹی نگرانی اور رصد کے لیے مصنوعی ذہانت کی جدید ٹیکنالوجی سے لیس ہے۔

محکمہ امن عامہ کے مطابق یہ ونگڈ ڈرون تین گھنٹے تک مسلسل پرواز کر سکتا ہے اور اس کی رینج 110 کلومیٹر ہے۔ اس میں رات کے وقت کام کرنے والا تھرمل کیمرہ نصب ہے جو ہر قسم کے موسمی حالات میں مؤثر رہتا ہے۔

محکمہ نے بتایا کہ یہ ڈرون مصنوعی ذہانت کے الگورتھم استعمال کرتے ہوئے موقع کی براہ راست تصاویر آپریشن روم اور مانیٹرنگ سینٹرز تک پہنچاتا ہے، جس سے فوری ردعمل اور سکیورٹی فیصلوں میں مدد ملتی ہے۔

محکمہ امن عامہ نے مزید کہا کہ لیپ 2026 میں شرکت کا مقصد جدید سکیورٹی حل اور ٹیکنالوجیز کو اجاگر کرنا ہے، تاکہ سکیورٹی امور میں جدید ٹیکنالوجی اور مصنوعی ذہانت کے کردار اور نگرانی کی صلاحیتوں میں بہتری کو نمایاں کیا جا سکے۔