مدینہ منورہ میں بحری سرگرمیوں کے ضوابط کی خلاف ورزی پر شہری گرفتار

مدینہ منورہ ریجن کے ضلع ینبع میں بارڈر گارڈز کی ساحلی گشتی ٹیموں نے ایک شہری کو بحری سرگرمیوں کے لیے مقرر کردہ سکیورٹی اور سیفٹی ضوابط کی خلاف ورزی پر گرفتار کیا ہے۔

بارڈر گارڈز نے اپنے ایکس (سابقہ ٹوئٹر) اکاؤنٹ پر بتایا کہ مذکورہ شہری کو بغیر اجازت نامہ ماہی گیری کرنے اور ممنوعہ آلات استعمال کرنے پر حراست میں لیا گیا۔ اس کے خلاف ضابطے کے مطابق کارروائی کی گئی ہے اور متعلقہ اداروں کے ساتھ رابطہ کیا گیا ہے۔

بارڈر گارڈز نے تمام شہریوں اور مقیم افراد سے اپیل کی ہے کہ وہ آبی حیات کے تحفظ سے متعلق قوانین و ہدایات کی پابندی کریں اور اگر کسی کو ماحول یا قدرتی حیات کو نقصان پہنچانے والی سرگرمی کا علم ہو تو مکہ مکرمہ، مدینہ منورہ، ریاض اور مشرقی ریجن میں 911 اور باقی علاقوں میں 994 پر اطلاع دیں۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔

اعرض التغريدة على منصة X